Kihci Okimaw, Justin Trudeau, anohc pakitinam ôma wîhtamâkêwin ta-âtamiskawât Kânata ohci oskayi Opaminikêw General, Wiya Kihci Okimâwêyihtâkosiw Mary Simon:
“Isi opîkiskwêstamâkêw kiki Kihci-Okimânâhk Kânata, nimiywêyihên mîna miyopayowin ta-âtamiskawâk Kânata’s 30th Opaminikêw General, Wiya Kihci Okimâwêyihtâkosiw Mary Simon.
“Kî-nihtâwikiw Nunavik, kîwêtinohk isi Quebec, Wiya Okimâwêyihtâkosiw kî-kapê ayî atoskêw kiki êkwâniki wâsakâm wiya. Âhkamêyimow onîsohkamâkêw kiki Ayâsîmow ô-Miyikowisiniwaw êkwa isihcikêwin, oski iyiniwak, mîna wâsakâskamihtawin, kî-otihtikow mihcêt kistêyihcikâtêwina mîna wiya nistam Ayâsîmow ta-misiminahk atoskêwin isi Canadian opaminikêw.
“Sâpô otatoskêwin, Wiya Okimâwêyihtâkosiw kî-wâpahtahiwêw mitoni nâkatêyihtamowin ta-nîkânipayihtahk ayisiyinîwiwin, manâcihcikêwin, mîna ayisiyiniw ô-miyikowisin âyimihiwêwina. Kî-nîkânîstam ta-maskawisihtahk miyo-wîcihitowin âyîtawâyihk ayisiyiniwak ohci Arctic itêhkêskamik, nânapo askiyinînâhk mîna misiwêskamik. Isi Kânata ohci Opaminikêw General mîna opaminikêw ohci kî-taskînaw Constitution êkwa institutions, Nikiskêyihtên ta-wîcihiwêt wiya ô-kihci kiskêyihtamowin mîna itâpisiniwin ta- pimohtêstamôwât Canadians isi kahkiyaw nisitawêyihtâkosiwin, nânapo ôta wîkiwahk mîna ôhpimê itê, asici mamihcâyâwin êkwa kistêyihtcikatewin, mîna nânapo ohci Kânata ô-kihci pîkiskwêwina. Niya mîna nikêhcinâhon êkwânima, isi Kânata ohci Kihci Okimâhkân, ta-atoskêw ta-sîtoskâkêt ôki ka-sôhkêyimocik nîsohkamakêwak ohci Canadian Simâkanisihkanak aykwaniki ê-ayiwâkêyihtakwahk nîkanîstamakêwin kiki mînopayiwin mîna pisiskêyihcikêwin ohci kitaskinaw mîna ayisiyiniawk.
“Nicihkêyihtên ohci ôma kwayaskwêyihcikêwin anohc ka-ispayik, ayis kitaskînaw âhkami nîpawîstam ôhi âyimihowina kayas ohci ka-ki-itahkamikahk. Nikiskêyihtên êkwânima, isi Kânata nistam Nêhiyaw Opaminikêw General, Wiya Okimâwêyihtâkosiw ta-pakitiniso ta-wîcihiwêt ispîhk ka-mawinêhama ôhi âyimihiwêwina mâh-mâmawi, ta-pimohtêstamahk ôma mâmawi pimohcêskanas ohci nahêyihtowin reconciliation, mîna ta-osihtahk mâmawohkamâtowin âyîtawâyihk kahkiyaw êkwâniki ka-otasihkêcik ôta.
“Êwako ôma kîsikâw, kî-mamihcimânaw Kihci-Okimâskwêw Elizabeth II, Kihci-Okimâskwêw ohci Kânata, êwako kiki 69 askiy kî-atoskâtam ôma Pimohtêstamâkêwin êkwa ayisiyiniwak asici kisiwêwâtisiwin, mamihcâyâwin, mîna iyinisowin. Êwako ôma 13th nawasônikêwin isi Opaminikêw General ohci Kânata kiki Kihci-Okimâskwêw aspin ohci ka-otinahk ôma kihci okimawîwin ispîhk 1952.
“Ninanâskomaw Wiya Kihci Okimâwêyihtâkosiw Mary Simon kiki ka-otinahk ta- atoskâtahk mîna mêyâw nitêhihk ohci mamihcimowêwin. Ninatomâwak kahkiyaw Canadians ta-miskahkik pakosêyimowin êkwa sîhkiskâkêwin pîhci ôma kihci yahkohtêwin nîkânihk kiki kitaskînaw, mîna ta-wîcihicik ta-sîtoskawâyahk ka-isi pêtât ô-wâpahtamowin kiki kêyiwêhk, nawac nahiyikohk, êkwa ayiwâk Kânata piko isi kitaskînaw mitoni kihck mîna nistam mâwacêyas atoskêwîkamik.”