Giishpin andawendaman awiya gaganoonad, The Hope for Wellness Help Line gakina Anishinaabeg. Ayaawag ge-ganoonadwaa giigidoobiiwaabikoonsing maagizhaa gaye aazhawaatebii’iganing. Zhaaganaashiimowag gaye baakwaa’ishiimowag gaa-nakwetamowaad, giishpin Omashkiigoomowin Anishinaabemowin gaye Eshkiimemowin andawenjigaadeg, bizaanigo iwe gi-daa-izhi-wiiji’igoo. Izhi-giigidon aazha gaa-diba’igaadeg 1-855-242-3310 gemaa gaye aazhawaatebii’iganing www.hopeforwellness.ca. Mii National Residential School Crisis Line ayaa gagiikwewin ge-onji-minomanji’oyan ogowe gete-gikinoo’amawaaganan gaye odiniwemaaganiwaa’. Izhi-giigidon aazha gaa-diba’igaadeg 1-866-925-4419. Apane go baakisin endaso-giizhig.

Gichi-Gaanada-Ogimaa Justin Trudeau, odikidowin E-izhi-giizhigak ji-mikwenjigaadeg Debwewin gaye Maamiinochigewin:

“Noongom, ginisidawinaamin E-izhi-giizhigak ji-mikwenjigaadeg Debwewin gaye Maamiinochigewin, onowe gaye bagiwayaanan gaa-misko-naagwakin, dazhinjigaade gaa-gii-izhi-maajii-doodawindwaa Anishinaabeg, Eshkiimeg gaye Wiisaakodewininiwag omaa Zhaaganaashiiwakiing. Gimikwenimaanaanig abinoojiinyag gaa-gii-makanding omaa gidishkoniganinaang. Naanaagadawenimaawag gaa-gii-maazhii-doodawindwaa. Weweni bizindawaawag gaa-inaajimowaad, ji-gikendaagwak gagwe-gwayakowichigewinan ogowe gakina Anishinaabeg gakina endaswaabaminaagoziwaad.

“Owe apii 1867 gaye 1998, mii owe minik gaa-makanding abinoojiinyag 150,000 gakina gegoo odinwewiniwaa odishitwaawiniwaa gii-kijigonewenaawag gaye odizhitwaawiniwaa. Geyaabi o’apii andonewaawag gaa-gii-pi-giiwesigwaa, Zhaaganaashii ogimaa ogaa-andone’aanan maazhichigewinan, mikwenimaawag abinoojiinyag gaa-gii-pi-giiwesiwaa, wii-wiiji’aawag ishkoniganing gaa-daawaad.

“Gaawiin wiikaa giga-wanendanziimin gaa-inakamigak gete-gikinoo’amaadiiwigamigong, gaye owe noongom gaas-onji-maanendamowaad. Noongom igo, wemitigoozhi odayaan aanwetamowin, mii dash owe gaa-onji-mookinigaadeg debwewin. Mii owe gaa-onji-andone’igeng noongom gaa-izhi-aachigaadegin ningwa’iginan Independent Special Interlocutor for Missing Children and Unmarked Graves and Burial Sites gaye Indian Residential Schools, Kimberly Murray, mii awe ge-wiijitwaad andone’igewin Anishinaabeg weweni oga-dazhiikaanaawaan.

“Noongom giga-biisikaamin gaa-misko-naagwakin bagiwayaanan, gaye gaa-dazhi-niimi’iding miinawaa gagiikwewinan. Gwayakochigewin gaawiin eta go Anishinaabeg – gakina awiya bemaadiziwaad. Mii owe gaa-onji-bizindawangwaa Anishinaabeg ekidowaad, weweni ji-naanaagadawaabandamang maazhichigewinan, mii owe bijiinag ge-ani-wiiji’igoyang waa-ani-bimaadiziwaad.”