Ui aiamiek ᵘ auen, takun nete e natutakanitau kie shutshiteieshkuanitauat innuat tshetshi minunimutau. Tshipa tshi aiamiauau auen kie mak mashinaimuauau Mishtakushiu-aiminanun kie akanishau-aiminanun, kie eyoutch-aimun, ojibwe kie essimau-aiminanun, e naniteunitamek Ui nanutuashkuiekᵘ, matuetak 1-855-242-3310 kie mak katusseutshitapatakan www.hopeforwellness.ca. Kie, ne peukuan nete innu-auassat ka kunuenimakanitau ukaimitunanimuau tshipa tshi apatshitanau kie tshipa tshi uauitshikunau miam mishta-animiuiekᵘ anite ka itutetau innu-auassat ka kunimakanitau kie uikanishau. Tshipatshi uauitshishkuinau, matuetak 1866-925-4419.

Ne tshishe-utshimau Trudeau, anutshish kashikat issishuepan umenu tapueuan-tshishkᵘ mak tshetshi minu-uitsheutshishunanut:

«anutshish, ume tapueuan-tshishkᵘ mak tshetshi minu-uitsheutshishunanut, kie mak kaishkuteush-kukushikuap ka ishi uitakan (e akanishau-aiminanut), tshi nitshishkenanu neme ka ishi katshitauet nete innu-auassat ka kunenimanit, innuat, Essimeuat kie Métis. Tshimamuitunanu tshetshi tshissituakuat innu-auassat ka utinanit utinussimuat kie utinikanit utinniunuau nete katshishkutamatsheutshuapit. Ni tshissinuashteuanan anitshenat ka shaputueshkakau, anitshenat ka nenekatshinitau, ka nenekatenimianitau ka kamitshitutaunit. Ni natutenan e tipatshimutau tshekuan miam ka ishpanit kie kau nutinenan aimun tshetshi etatu minuashinit innuat utiniunuau kie nutam ute Canada.

«nete 1867 nuash 1998, anu 150 000 innu-auassat, essimeu-auassat, mashinu-auassat utinanipan nete uikanishuauat kie utinussimuat kie aikaiminaipan tshetshi itutetau nete innu-auassat ka kunenimanit nete ka tshitimuanit tshetshi innu-aimitau kie tshetshi ishi-inniutau utinu-aitunuau. Ekᵘ nen innu-assi e shaputuepanitau et nanatuapatshetau tshetshi mishkuatau utuassimuaua eka nita ka tshiuetau, ne utauau-tshishe-utshimau tshika uauitshieuat nemenu tshe nanatuapatshetau anitshenat uikanishimuau e miant kassinu tshekaunu tshe itapashtanit kie tshetshi uauitshinat tshetshi minu-tshissenimitau tshekuanu miam ka ishpanit, kie tshetshi tshissinuashtanit anitshenat innu-auassit ka unianit kie tshetshi shutshiteieshkuanitau umininiunuauat.

«apu nita tshika ui unitshissitameshk nete utat kie peikuen nenu papashekᵘ ka ietutuanit innuat nete innu-auassit ka kunenimanit kie animiunnu kie matshikaishinnu ka ishi nikatitau. Nekanitenitakuan, apu minu-uitan nete ka ishpanit nete innu-auassit ka kunenimanit.ekuen ne uet apitit tshetshi kuishkᵘ uitakan tshekuan miam ka ishpanit Ekuen ne uet uinanipan Kimberly Murray tshetshi tshisseshtak nenu auassa ka unianinit kie ne nikuashkanissa kie nikuashkan eka ka mashinatenit utishinikashunuau tshetshi tutak atusseunnu e uitshi-atussemant Innua, Essimeua kie Mashinua, tshe ishi nanitussenitakan kie tshe ishi-nanatuaptshanut innu e ishi-minushkakuat tshetshi tshissenitakutakan tshekuan miam ka ishpan nete innu-auassat ka kunenimakanitau.

«anutshi, nishitshimauaut kassinu auen tshetshi tshikamutat e ishkuteushinit mitshinishinnu tshetshi tshissinuashtakan kassinu auass e apitenitakuesht kie tshetshi natshupatak nete innuat tshe ietutau kie tshe ishi-tipatshimutau anitshenat innuat, kie tshetshi mamitunenitan. Ne minu-uitsheutun nimieunu nenu innu, muk kassinu etashiak Uemuat tshika ui minanut innuat tshetshi aimitau, kie Essimeuat kie mashinuat, tshetshi nanitutuanit kie tshetshi utinashunanut Ui tutamak tshetshi kassinu auen tapishkut aietutuanit ute Canada, kie tshetshi pushipinianit innuat, tshika ui ushtishkapushtenanu ne tapueun nete utat ka ishpanit.»