“Apiksiktuwaqn na ta’n wejkwipunqwek elukwasik, mimajimk aqq tel-lukwemk te’sikiskek. Ta’n Ula Nationaley Na’kwek ukjit Teliaqewey aqq Apiksiktuwaqn aqq Nikjewiknewamuksit a’tla’iey Na’kwek, ninen kepmite’temketjik Mimajultite’wk aqq ta’n mijua’ji’jk mu apaji elmita’qsepni’k – aqq ninen apajapa’sultiek ta’n na ewlita’sik sa’qewey aqq ta’n me’-pemiaql we’tuwo’tmkl ta’n na weskewa’timkewey kina’matnuo’kuo’m kisitasik.

Weskewita’mkewe’l kina’matnuo’kuo’ml na ta’n teliaq na Mimajultite’wk kelnemi’tis ta’n tujiw kaplno’l ma tla’tikek. Ta’n teliaqewey il-kitasik najelk jel mu 6,600 te’sekl keskmna’q ta’n Teliaqewey aqq Apiksiktuaqn Apaji-apanketuksin, na kaplno’laq ma app kis-tluek ‘mu na kejituekip’. Miawiaq ula teli-pkwijiaq aqq kejunqwaq etek na kinu sa’qeweyminu, me’ najelk jel mu 150,000, L’nu’k, Inuit, aqq Metis mijua’ji’jk na tepkisa’lusnik ta’n wikmawaq, utann, klusuaqnn, aqq telo’ltimkewe’l.

Ula ta’n kaplno’l aqq na ta’n mimajuinu, kinu toqtek Mikwite’tmk elt maliaptmk.

Ta’n federal kaplno’l na nikana’sit ta’n na nuta’q lukwaqn ukjit ta’n Teliaqewey aqq Apiksiktuaqn Apaji-apanketasik Wikutk ta’n Na’tal-lukwen, wiaqtek apoqnmatmnn L’nueye’l utann ukjit pana’tun mu-ewikasiktnukl aqq mu-wi’katikniktnukl etqutaqnn aqq etqutaqne’kati’l ta’n weskewita’mkewe’l kina’matnuo’kuo’ml . Ninen na siawtaqa’tuwekl ta’n Wikutasik ukjit Ilsutekemk wejiaq ta’n Nationaley Pipanikesultimk na Keska’tijik aqq Ne’po’jik L’nu’skwe’jk E’pijik aqq E’pite’sk aqq ta’n ewe’wasik ta’n na Mawtekl Nationel Seya’toq ta’n na Tetpaqa’qewe’l ta’n L’nuey Mimajuinuey Teltek.

Kinu na toqitekeyk – ta’n tajiko’qn anko’tasik, ewi’kamk, ekinu’tmasimk, aqq tel-lukwemk lukwaqn – wnaqenkl L’nueye’l tetpaqa’qewe’l aqq ila’kwenkl utann elt kelpitasikl aqq nikwutikl. Kana’taey piley kaplno’l elt na to’q kla’qij-kesikawiet toqo’mayoq wejiaq kepmite’tmk mekite’lsultimk, ta’n nikana’tu’n L’nuey tetpaqo’tasultimk aqq toqi-alsutmk na nuta’ql nikantekl ta’n eltmk, aqq ta’n mikuaptmk na teliaqewey toqo’mamk tmk nuta’q naskwa’tasiktn nestmk aqq ta’n eltmk Kana’ta nuta’ql L’nueye’l aqq mu-L’nueye’l kelusultimkl ukjit nikana’tun ta’n na naskwa’tatultimk anko’tmk ula ta’n maqmikew.

Mita, Nekemowey na nuta’q ta’n kinu eltu’k, katu tetpaqitu’k nuta’q ta’n ninen telitaqetiek – elt L’nuey nikanus, nikwemk, aqq elukwemk na melkitasikewey. Apiksiktuaqn na ta’n wejkwikwemk tel-lukwemk – mimajit aqq na’tal-lukwet te’sikiskek.

Kinu elwi’tmasulti’k ukjit eltunew na elmi’knik ta’n Mimajultijik na kepmite’tmujik elt mikwite’tmujik, elt ilsutasik, aqq elt na najiknaq Kana’ta.”

Ukjit me’ewikasik: Ta’n 24-newtajiaql kelpitasikl aqq inkwatasikl Nationaley Weskewa’timkewey Kina’matnuo’kuo’m Apoqnmuekewey Nastaqtek, etek ta’n 1-866-925-4419, iknmuetoq apoqnmuksin nestmalsikewuksin tel-lukwutikl ukjit Mimajultijik aqq nekemowk wikmawaq aqq teluek ta’n tl-kisi-msntsnuk pilewe’l tajikeyimkewe’l apoqnmuekewe’l wejiaql ta’n Kaplno’l ukjit Kana’ta Ta’n Ajipjutaqn ukjit Wlo’qney Apoqnmasutiey Nastaqtek iknmuetoq ankmayiw, mu-awtiktnuk mattaqte’kn aqq online etlewistmk-etek telita’simkewey apoqnmasuti aqq apoqnmuek anqa’tikek ukjit msit L’nu’k mimajuinu’k ta’n Kana’ta. Kitk mattaqte’kn aqq online-e’l etlewo’kemk tel-lukwekl na etekl 24/7 na Aklasie’wiktuk aqq Wenjuiktuk. Mattaqte’kney apoqnmasuti na ma’wt etek ta’n tujiw kwilutasik na Creeiktuk, Ojibwayiktuk, aqq Inuktitutaq. Ekinu’tmujik counselloraq na eymu’tijik na 11‑855‑242‑3310 kisna via hopeforwellness.ca.