Tshishe-utshimau JustinTrudeau uitamupan umenu aiamunu tshetshi pushukatat Tshishe-utshimashkueu Mary Simon tshi uitshi-atussemat:
« Nin e tatshitishkueuat Utaua- tshishe-utshimau, ni mishta ashinan kie niminueniten tshe pushukatukᵘ ue tshe nishtinue-tshishe-utshimahskkueuat tshe uitshi atussemat tshishe-utshimau.
« Nete u Nunaviik utshiu nete tshiuetin, utshimashkueu nanitam atusseshtuepam uitshinimᵘ nete ushka e tat. Mishta-tshishpeuatam utipenitamun kie nenu e ishi-inniutau essimeuat, ussinitshishut, ussinitshishkuessa, akua e tutakan assu, kie mitshetui tshissinishtuakanipan utatusseuan. Kie ekuan ne essimeu-ishkueu ushkat e pimutaut utaimunnu mak e uauitak e ishi-inniunanut ute Canada.
« Ishpish atusset mishta-ashtapam utatapaikan kie shutshenitamupan tshetshi nikanapanitat atusseuan nete innit miam mate auassat, e ishi- inniuananunit e ishi animinanunit, nete pikassun mak e tshishpeuatakan innu. Iat nene atusseshtamupan tshetshi nishtuapamakanit essimeuat ute Canada mak nutimᵘ e ishpitishkamikat assit. Nissenimau nenu e utinak atusseunnu tshetshi uitshi-atussemikuian tshet tshishpeuatak e ishi inniunanunit ute Canada, Ishpishanu utshissinenitamun kie ishpish nitau autsseu tshetshi nishtiapaminiuet Canada e ishi-inniunanunit kie kassinu aitshit e ishiniunanut tan ua ishi aimit ute Canada. Iat nin e tshishe-utshimau atusseian nete ashimakanishiu-atusseuan, tshika shutshiteieshkueu ashimakanishinit, anitshenat e mishta ashtat utitapaikanuau e tshishpeuatak kie akua e tutuatau innu ute Canada.
« Ume anutshish e ishinakuat nika minu-tshissinuashtan, ushma ume mekuat e ishpin ute miam mate anitshenat innu-auassat ka mishkuanutshenit. Nitshissenimau umenu e utinak atusseunu ute Canada, ne utshimashkueu, tshika ushtishkapushtimᵘ mamu tshetshi atusseshtamat, tshetshi mamu nikanitanut minu-uitsheutunanut.
« Anutshish kashikat, tshishe-utshimashkueu Elizabeth II, shash kutushtutunue-pupunna ashu peikushteu ishpish tshishe-utshimashkuuat, atusseshtamᵘ Commonwealth mak nenu iat nete mamu ka apitau. Ekuannu nen kutunnu ashu nisht e uinat ne tshishe-utshimashkuau tshetshi uitshi-atussemanan tshishe-utshimau, ishpish tsheshe utshimashkuaut 1952, pupunna.
« Ninashkumanan utshimashkueu Mary Simon ka tshi utinak nenu atusseunu tshetshi uitshi-atussenimikuiat, kie ni mishta-pushukatanan. Kassini ute Canada innuat nuishaman tshetshi tshissinishuashtat kie tshetshi nashakuiat ne ua nikaniteiat. Kie kassinu nuishamanan tshetshi pushikatatau kie tshetshi pukushenimatau tshetshi minupanit nete utatusseunit ne anu uet tshishe-inniumikuat ute atusseun ute Canada. »