“Kwek ijatcgewin, etsa kijagak kamosakadananan, Wedi nogon Tebwendjageh mamowi kwek ijatcagewin kijigan mamowi Misko-ozawa abagiyan kijigan eh ijagijigak, ninwet, kinwet kanaswabadananan, kagotenmanan, kamamdanenmanan anishnabek kagi swabwikadomaowatc, absnojishik agwa wikat kagi kiyonaganitc koni agwa kagi odatak tabah kapi odasetc, ka ija nigatc, ka ija tanakitc – panagotc kiga wabadanan, mamdanandananan, kendananan, ka ijiyebazowatc anishnabek mamowi nogom acitc nigan ka modowatc weni kagi ijiyebanak mehkodehkoneh oga kanamageh migwamak.

Mehkodehkoneh kinamage migwanik ki tagon, tabadjamomgan atsokemagan kakinah anisshnabek kagi swabwikadamowatc ka ijiyebazowatc, ogamanodagan agwa kagi tabadadak. 6,600 managik nash ki ijamgan Truth and Reconciliation Commission, kan odja kishki ikitsiyok ogamanodaganak ‘kan nagi kendasinanan’ Megwatc wedi, managik kipitcha wisgendamik ka ijiyebak, eh inatsokadek kadanakonagehwin nan, oshmesh 150,000 First Nations, Inuits, mamowi Metis abanojisgik ki pikiyonaganiyok eh ija ododemyotc, ka ija wakanabakadiyatc, ka ijakijehyatc mamowi ka ija nagonak obamadaziwinya.

Eh ija ogamakadamik, etsa pemadazajak, kiga mamowi nigansadonanan eh ija mamdanendamik mamowi panima keh ijatcageyik.

Ogamanodagan niganshka kidja kwek ijatcagetc, managik ehpitcha ndendagok kidja minosek wedi Truth and Reconciliation Commission’s Calls to Action, kidja mamowi widokowayik Indigenous Anishnabek, kidja mokowajan kakina anishnabe abanojishan agwa mashi kigi mokowaganiyatc, eh ija makshan djan mehkodehkoneh kinamage migwamak ka ija tagonak. Naga nigansadonanan Calls for Justice from the National Inquiry into Missing and Murdered Indigenous Women and Girls, anishnabe ikweyok kagi nasaganiyatc mamowi agwa wikat kagi mokowaganiyatc, kagi onikanaganiyatc ikwyok mamowi ikwesisik mamowi acitc kidja ijatcageyatc odja ka ikadomgak United Nations Declaration on the Rights of indigenous Peoples Act.

Kiga mamowi ojasadonanan – mishkikini migwamak, migwamkewinik, kinamagewin kak mamowi keh ija tagok odamtawin – kiga ishpisdonanan anishnabe Kewin ka miyodok, Indigenous rights mamowi kiga minanan mishkwiziwini, kakina tapshikot pehjagon apitendjagewini managik keh madazitc. Canada ogamanodaganak ogi ojasadonawa odonakanagewin kak, odakadwina kak, agwa kidja kabak kagadenak koni agwa kidja onikemaganak kama nosaniyamowatc self-determination, kidja nigansadowik eh ikadomgak widokadadowin odja Indigenous anishnabe eh mamowi-apitendagonak acitc mamowi tabendasitc odamtawin, kidja nasadwabadjagadek tebwe widja-odamtawin, kidja nasistcagadek kegon ojasadasowin oma Canada panama anishnabe ehnowehgazitc mamowi wapishkiyeh ehnowehgazitc kida nigangabwimagani odakadwiniya kidja mamowi manashtowik, kinendamik aki kagi mingowik kidja kajagabdamik.

Ozam ehpitendagok kidja mamowi ojatowik, kakin pejagon awik eh ija apitendagozitc – mamowi anishnabek ka niganikadamowatc, kikina awik keh ija mino madazitc mamowi kina keh ija minosek, kida mishkwigabwimagan. Kwek ijatcgewin, etsa kijagak kamosakadananan.

Nada ikidman kidja ojatowik odi nigan odja, kegi shwabwikadamowatc weni, kidja mamdanendagoziyatc, kwek kidja todowaganitc, kidja mamowi mishkwizitc Canada.”

Kiyabitc winda kendamin: Iyo 24 endasotibahiganeg ayangwamíwin ashidj kichi sóngenindam Kánádáng Abiwadj Kikinámádinán Anawenindam Madwesidjigan 1-866-925-4419, mígiwen anawenindámowin tánginigen inanokíwinan ondji Ká-Sanagizidjig ashidj ódodemowán ashidj wíndamágemagad ánín kidji ayán kodagan pimádjiwowin wenzikág Kichi Ogima Kánádáng. Wendak Hope for Wellness Help Line kamingon teshgotc kidja widokagowin ishpan anamazin, anamendamin, agwendak anishnabek odja oma Canada ka tanaziyatc, medeshjagana kak mamowi kozabadjagana kak . Tapshkotc madeshjagana kak mamowi kozabajagana kak cehsin 24/7 acitc odja awik ka aganeshamotc koni ka amtcagoshimotc, English acitc French ka ijagijetc. Madesjagana kak acitc tagon odja Cree, Ojibway mamowi Inuktut ka ijagijewatc, gweden. Tehyok oma keh widokak, ka inikiyatc wehni, oma kiga ija mokowehmak 1-855-242-3310 koni espoirpourlemieuxetre.ca.