“Minu-tapishimitshishun ashupitshitinimun atusseun, ashikamatshishikᵘ atusseshtanu. Ume tapueun kie minu-tapishimitshishun tshishikᵘ kie kaishkuteusht-kapishipissipaniukuap tshishikᵘ, nitshissituanan anitshenat eshkᵘ ka inniutaua kie anitshenat eka nita ka tshiuetau kie- nimamitunenitenan ne ka ishpish pikuinuet na ashupitshitiniamun anite ka ishpanit.
Ne innu-auassat ka kakunenimanit ekuan anitshenat tapueun ka pimutatau ekᵘ ne tshishe-utshimauat apu tut pimutatau. Tapueun ka tipatikau anu 6 600 ka itutetau nete tapueun kie tapishimitshishun ka iminanut, tshetshi eka minat issishuetau tshishe-utshimauat ‘apu tshut tshissenitamat’. Ne tshenuat kie e akuiuet e tshitipatshimunu, anu 150 000 innu-auassat, essimeu-auassat kie mashinuat utinanipan kie tipananipan anite uikanishuauat kie utassiuat, eka tshi ishi-aimit utaimunuaua kie ishi-inniutau utiniunuau.
E tshishe-utshimauaian kie tshitanu innuat, nimamushtanan ne e ishi tshissitakan ka ishpan.
Ne utaua-tshishe-utshimau shaputuepanu e uishamuet tshetshi shaputue atussanunit nenu tapueunu kie minu-tapishimitshishunnu e shutshiteieshkuat innu-assia nenu e ushkuishtakau tshetshi mamushtatau nikuashkana eka ka uitanikau kie ne mashinaikanna eka ka mashinataikanikau. Kie nikanipannu ne atusseun ka natuenitakan tshetshi natussenitakan tan ka ishpanitau nana innu-ishkueuat kie innu-ishkuessat ka uinianinit kie ka nipianinit nete ka mamuituht tshishe-utshimauat ute ishpitashkamikat takuetsheuna.
Ni mamu – atusseshtenan nete minu-inniuan, mitshuapa, katshishkutamatsheutshuapa kie nete pikassunitshuapa –, iat e tshishpeuatamat innu-tipenitamuna e shutshiteieshkamat innu-assi kie tshetshi akua tutatshishitau. Ne ussi-tshishe-utshimau ute Canada tshika minu-uitshi-atussemeu innu e tshitimauenitamuat utipenitamunuau, e minat tshetshi tapishkut tutuat kie uitapimat innu, e mishtuapamat e minu-apitishinit nenu ka tutanit Canada, e nishtuapatamuat tshetshi uitshi-atussemat kie ne ute Canada takut uemuet tshetshi petuanitau kie anitshenat kakusseshit kie akanishauat tshetshi mamu tshitapatakau umenu assinu.
Usham mishta-apitini tshetshi mamu-atusseshtakan Canada, kie takut tshetshi minutakan, e minanut utapunuauat tshetshi nikanipitau, kie minu-inniunanut. Minu-tapishimitshishun ashupitshitinimun atusseun, ashikamatshishikᵘ atusseshtanu.
Nutinenan atusseun tshetshi minuteiat nete aishkat nete anitshenat eshkᵘ ka inniutau tshetshi tshissinuatshinit, kie tapishkut tshetshi tutanit kie tshetshi shutishimikuat Canada.”
Anu ui nanitussenitamek: Takun ka aimitunanut ligne d’écoute téléphonique nationale de Résolution des questions des pensionnats (1-866-925-4419) tshetshi aimiek neme miam mishta-neshtuenitamek teu auen tshe uauitshikuiek 24 tatupeikan anitshenat ka itutet ne innu-uasset ka kunenimanit kie mak uikanishuau, utuassimuau, kie tshika uauitamakunau tan tshe ishi uauitshikuiek nete utaua-tshishe-utshimat. Ne ka natutakan nete kaimitunanut tshetshi minu-inniuiekᵘ minanu kassinu innuat ute Canada, eka tshishikashitau, tshiet ui tuitshikushitau nete e itimitshutau kie mak uanenitakau, ui aimitau kie mak nete katusseu-tshitapatakan. Pitshitinikinau 24 tatupaikanna kie nishtuasht tatu-tshishikua, e mishtikushiuminanut kie a akanishau -aiminanutm, eyoutch, ojibway kie essimeu-aiminanut Teuat nenu e ishi pukutatau tshetshi 1-855-242-3310, espoirpourlemieuxetre.ca.