“wâkôwîcihiwîwin êwako nanâtohkôskânêsiwin atoskêwin, pimatisinaniwan mîna isîhcikêwin tahto kîsikâw. ôma ispîhk misiwêskamik kîsikâw kiki tâpwîwin mîna wâkôwîcihiwîwin êkwa osâwâw papakiwayân kîsikâw, kikihcêymânânik opaspîwak mîna awâsisak êka ka-kî-ohci kîwîcik – mîna ki-mitonêyihtênaw misiwanâcipayiwin kiskisototâkêwin mîna ahkamî itôcikêmakaniyikwâwi ohci ayimihâwi kiskinwahamâtowikamikwa pamihcikêwin.
ayimihâwi kiskinwahamâtowikamikwa êkwânihi tâpwêwin opaspîwak ka-nayahtahkik ispîhk okimânahk namôy itotam. tâpwêwin ka-kiskisihk ayiwâk 6,600 tahtwâw pâmwayês ôma tâpwêwin mîna wâkôwîcihiwîwin pimohtêstamâkêwin, êkosi isi okimânahk namôy êkwa ta-kî-itwêw ‘namôy ê-kî-kiskêyihtamahk’. mêkwâc ispîhk ôma kinwês mîna kwâtakihtawin tahtahkwâw kâkikê nâway, ayiwâk 150,000 nistam-iyiniwak, ayaskîmow, êkwa âpihtawikosisâ awâsiak kî-pahkânipitâwak ohci owîtotîmâkana, mâmawâyâwinihk, onîkânî pîkiskwêwina, mîna nêhiyawîhcikêwina.
isi okimânahk êwak isi ayisiyinîwin, kikwayaskastânaw kiskisowin asici nâkatêyihtamowin.
kihci okimânahk yahkohtêw nîkânihk isi kihci-atoskêwin ohci tâpwîwin mîna wâkôwîcihiwîwin pimohtêstamâkêwin sa têpwacikâtêwin kiki kwayaskwâtisiwin, asici sîtoskamowin nêhiyaw mâmawâyâwinihk ta-môskipicikâtêkihk ka-patâpacikâtêkihk mîna êka kiskisotawêwin wâtihkwâna mîna nahiniwêwina ita ayimihâwi kiskinwahamâtowikamikwa. nîkânipayihtânân ôma têpwacikâtêwin kiki kwayaskwâtisiwin ohci misiwêskamik kakwêcihkêmowin isi wanihiwêwin êkwa nipahtâkêwin nêhiyaw iskwêwak êkwa iskwêsisak mîna pihkohtâwin ohci tahtoskânêsiwak ostêsimâwasinahikan isi nêhiyawak ô-miyikosiwiniwaw itasiwêwin.
ê-mâmawêyatiyahk ki-osihtânaw – isi miyw-âyâwin nâkatwêyimêwin, wâskahikanihkêwin, kiskinwahamâkêwin, mîna sôniyâhkêwin nahipayiwin – manâcihtawin nêhiyaw miyikosiwin mîna sôhkahtwâwin mâmawâyâwinihk asici nâkatêyihtamowin mîna miyopayowin. kânata sa oskâyiwan okimânahk êwako pâhkaci nîsôhkamâkêw isi kihcêyihtamowin âsawi-tipêyimisowin, isi nîkânêyihtâmowin nêhiyaw kwayaskwatisiwin êkwa wîci-tipêyihtamowin isi kihci-kistêyihtcikâtêwina ohci kwêskinâkohtâwin, mîna isi nisitawinamowin êkwânima kihci wîcêwâkanihtowin nistam natawêyihtakwan wîci nisitohtamowin mîna ka-osihômakahk kânata natawêyihtakwan nêhiyaw mîna êka-nêhiyaw pîkiskwêwina ta-nîkânîstahk isi ka-mâtinamâkêhk pisiskêyihcikêwin ohci ôma askiy.
ayis kistêyihtâkwan ta-osihtâyahk, mâka nanapo kistêyihtâkwan tânisi isi ka-osihtâyahk – asici nêhiyaw nîkânîwin, miyopayowin, êkwa nahipayiwin êwako nîkânîhtâwin. wâkôwîcihiwîwin êwako nanâtohkôskânêsiwin atoskêwin – pimatisinaniwan mîna isîhcikêwin tahto kîsikâw.
niâsotênân ta-osihtâyahk nîkânîwin ita opaspîwak kihcêyimawak asici kiskisiwin, kwayaskwâtisiwin, mîna sôhkaniwan kânata.”
kiki ayiwâk kiskêyihtamohiwêwin: ôma kapê-ayi nâtâmoskâkiwin mîna kîmôtan misiwêskamik ayimihâwi kiskinwahamâtowikamikwa âyimipayiwin sêwêpicikan, ihtakon ita 1-866-925-4419, mêkiw âyimipayiwin kîhkâyâpamohiwêwin pamîstakêwin isi opaspîwak mîna owîtotîmâkana êkwa mâmiskôtam tânisi isi ta-kahcitinamin kotak miyw-âyâwin sîtoskâkêwina ohci okimânahk kânata. ôma pakosêyimowin kiki kiyw-âyâwin sêwêpicikan mêkiw sêmâk, mosci sêwêpicikêwin êkwa cikâstêpayicikanisihk ayamiwin-itowahk môyêyihcikêwin sîtoskâkêwin êkwa âyimipayiwin nâtâmototawêwin isi kahkiyaw nêhiyawak pîchi kânata. nanapo sêwêpicikêwin êkwa cikâstêpayicikanisihk ayamiwin pamîstakêwin ihtakonwa kapê-ayi/itahto kîsikaw pêyak ispayin isi akayâsîmowin êkwa mistikôsîmowin. sêwêpicikêwin sîtoskâkêwin ihtakon ispîhk ka-natocikâtêk isi nêhiyawêwin, nahkawiyinînâhk, êkwa ayaskîmowin. nakacî opîkiskwêstamâkêwak ihtakowak ita 1‑855‑242‑3310 ahpô sâpô espoirpourlemieuxetre.ca.