“Nogom wedi e-kijigik Tebwendjageh mamowi kwek ijatcagewin kijigan mamowi Misko-ozawa abagiyan kijigan ka ijinkadek, kiga mokowendjigemin kagi swabwikidimowatc Canada Mehkodowkoneh kinamageh migwamik mekodekone oga kinamage migwam. Kakina abinodjicik agwa wikat kagi pigiwenaganiwatc, acitc kiga widjigabwi-kidowanan ododem-wan ka miwodondjin weni.
Ocimec apita minigik awik e-madizitc, ocimec 150,000 Anishnabek First Nations, Tokluk Inuit mamowi Apitwisik, Metis abinodjicik ki pikiwonagini-ok ododemwan mamowi, kidja madjinjowaganitc mekodekone kidja kakina-mowadjin, residential school. Ogimanodagin odinakonagewin kidja kasibiwadjin Anishnaben odicgegewin, otebwetimowin mamowi kakina e-ija madisitc.
Federal ogimaetcnodagin kagi kijendik weni kidja inakonigetc, Canada obamiwodon weni nogom minigik kagi nekadjiwadjin anishnaben.
Ocimec 6,600 minigik ticiwok kagi pi-nigangabwitc kidja tibadjimotc adi ka ijiwebziwatc, kidja tibadidik minigik misowatc kiabitc nogom e-ija wisgendik anishnabe, ozam kinesh Canada ki abinabi win dic odictcigewin. Kakina e-ija kendik anishnabe otebwetimowin ogi abidjiton kidja nodimandjin Canada ogimanodagin-nin, kidja mokowindjin acitc kidja wabidik adi ka ijitcigetc.
Kawin eta kidja mokowendjigewik kimisnamowasi nan anishnabek Kimisnamowanan kegon kidja ijitcige-ik Kida nagon mikan adi ke-ijidabitc weni odimtawini Ogimanodagin mamowi anishnabe ijitchigeh kidowin ndemonanon 94 odja.
e-mamowi widjigabwikidowa-ik First Nations Anishnabek, Inuit Tokluk mamowi Metis Apitwisik, ogimanodagin odimta kidja kwek ijitcigetc nogom mickikini-migwamik mamowi kinamage-migwamik, kidja kicka kopi-odik anishnabe ijigejewini mamowi e-ija madizindjin, kidja ojitok tecigotc kidja minowacin nik kewin anishnabe onibim kakina mamowi 0-migwan-nin.
Niga nigansidonanan kagi ndendagok kidja nigancimagani-atc ikwe-ok mamowi ikwesisik kagi nisagani-atc, mamowi 2SLGBTQI+ pemadisidjik, mamowi kidja abikik onakonige misinigin Loi sur la Déclaration des Nations Unies sur les droits des peuples autochtones.
Nogom e-kijigik Canada oga piskan abigan kidja nagonik acitc kidja kendik ka ijitcigetc anishnaben kagi kagwe kasibiwandjin kakina e-ija madzindjin acitc agwa wikat kagi pigiwanawadjin, kidja atowik ki-tebendjigewin nan odja anishnabek kagi tibadjimowatc weni kagi iji-ebinik, kakina dic Canada kidja odapinik weni widokasowin-ni odja ka ikidomgik poonenindig.”
Kiyabitc winda kendamin: Iyo 24 endasotibahiganeg ayangwamíwin ashidj kichi sóngenindam Kánádáng Abiwadj Kikinámádinán Anawenindam Madwesidjigan, 1-866-925-4419, mígiwen anawenindámowin tánginigen inanokíwinan ondji Ká-Sanagizidjig ashidj ódodemowán ashidj wíndamágemagad ánín kidji ayán kodagan pimádjiwowin wenzikág Kichi Ogima Kánádáng. Wendak (Hope for Wellness Helpline) kamingon teshgotc kidja widokagowin ishpan anamazin, anamendamin, agwendak anishnabek odja oma Canada ka tanaziyatc, medeshjagana kak mamowi kozabadjagana kak. Tapshkotc madeshjagana kak mamowi kozabajagana kak cehsin 24/7 acitc odja awik ka aganeshamotc koni ka amtcagoshimotc, Agineshamo acitc Amtcigojimo ka ijagijetc. Madesjagana kak acitc tagon odja Cree, Ojibway mamowi Inuktut ka ijagijewatc, gweden. Tehyok oma keh widokak, ka inikiyatc wehni, oma kiga ija mokowehmak 1-855-242-3310 koni espoirpourlemieuxetre.ca.