ᓯᕗᓕᖅᑎᕐᔪᐊᖅ, ᔭᔅᑎᓐ ᑐᕉᑐ, ᐅᓪᓗᒥᐅᔪᖅ ᑖᔅᓱᒥᖓ ᐅᖃᐅᓯᒃᓴᕆᔭᐅᔪᒥ ᓴᖅᑮᕗᖅ ᓄᓇᕗᑦ ᐅᓪᓗᖁᑎᖓᓂ:
“ᐊᕐᕌᒍᐃᑦ 25 ᐅᓪᓗᒥᐅᔪᖅ, ᒪᓕᒐᓕᐅᕐᕕᒡᔪᖓᖅ ᑲᓇᑕᒥ ᒪᕐᕉᖕᓂᒃ ᒪᓕᒐᙳᖅᑎᑦᑎᓚᐅᖅᑐᑦ ᐱᒻᒪᕆᐊᓗᖕᓂ, ᑖᒃᑯᐊ ᓴᖅᑮᓚᐅᖅᑐᑦ ᓄᓇᕗᒻᒥ ᐃᓕᓴᕆᔭᐅᓪᓗᓂ ᐅᑭᐅᖅᑕᖅᑐᒥ ᐊᕕᒃᑐᖅᓯᒪᓂᐅᔪᓂ ᑲᓇᑕᒥ. ᐅᓪᓗᒥᐅᔪᖅ, ᓄᓇᓕᐅᔪᓂ ᓄᓇᕗᒻᒥ ᑲᑎᖃᑎᖃᖅᑐᒍ ᐃᓕᓴᖅᓯᓂᕐᒥ ᑖᔅᓱᒥᖓ ᐱᒻᒪᕆᐊᓗᖕᒥ ᐊᑐᖅᑕᐅᓂᑰᔪᒥ, ᐊᒻᒪ ᖁᕕᐊᓲᑎᖃᕐᓗᑕ ᐊᔾᔨᐅᙱᑦᑐᒥ ᐃᓕᖅᑯᓯᕆᔭᐅᔪᒥ ᐊᒻᒪ ᑭᓇᐅᒋᐊᒃᓴᖏᓐᓂ ᐃᓄᖁᑎᒋᔭᐅᔪᓄᑦ ᓄᓇᕗᒻᒥᐅᖑᔪᓂ.
“ᓄᓇᕗᑦ, ᐃᓄᒃᑎᑐᑦ ᑐᑭᖃᖅᑐᖅ ‘ᓄᓇᕗᑦ’, ᐱᖅᑯᓯᑐᖃᓕᕆᑦᑎᐊᖅᑐᑦ, ᐃᓕᖅᑯᓯᕐᒥ, ᐊᒻᒪ ᓄᓇᓕᐅᖃᑎᒌᓂᕐᒥ, ᖁᔭᓕᓇᖅᑐᑦ ᓯᕗᓕᕆᔭᐅᓚᐅᖅᑐᑦ ᐃᓄᖕᓄᑦ ᐸᖅᑭᑦᑎᐊᓚᐅᖅᑐᓂ ᓄᓇᒥ ᐊᒻᒪ ᓄᓇᒥᐅᑕᐅᓪᓗᑎ ᐊᕐᕌᒍᓄ ᐊᒥᓱᕐᔪᐊᓄᑦ. ᓴᓂᑭᓗᐊᕐᒥ ᐊᐅᓱᐃᑦᑐᕐᒧ, ᓄᓇᕗᑦ ᐊᖏᕐᕋᕆᔭᐅᔪᖅ ᑲᔾᔮᕐᓇᖅᑐᒻᒥᕆᖕᓂ, ᐅᖃᐅᓯᑦᑎᐊᕙᖕᓄᑦ, ᐊᒻᒪ ᐃᓄᖁᑎᖏᓐᓄ. ᓯᕗᒧᑦ ᑕᐅᑐᑦᑎᐊᖅᑐᑦ, ᐊᓂᒍᐃᔪᓐᓇᖅᑐᑦ, ᐊᒻᒪ ᐊᔾᔨᐅᙱᑦᑐᑦ, ᑲᓇᑕᐅᑉ ᒪᒃᑯᓂᖅᐹᖓ ᐅᑭᐅᖅᑕᖅᑐᒥ ᐊᕕᒃᑐᖅᓯᒪᔪᓂ ᐱᑕᖃᖅᑎᑦᑎᕗᖅ ᐅᕙᒍ ᓱᓕᓂᐊᕐᓂᕆᔭᖓᓂ ᓄᓇᓕᕐᔪᐊᖑᓪᓗᑕ.
“ᑲᓇᑕ ᐅᑭᐅᖅᑕᖅᑐᒥ ᓄᓇᓕᕐᔪᐊᖑᕗᖅ, ᐊᒻᒪ ᐅᑭᐅᖅᑕᖅᑐᖅ ᑐᙵᕕᒋᔭᐅᓪᓚᕆᑦᑐᖅ ᑭᓇᐅᒋᐊᒃᓴᑎᓐᓂ ᑲᓇᑕᒥᐅᖑᓪᓗᑕ. ᐱᓕᕆᖃᑎᖃᑦᑎᐊᕐᓂᒃᑯᑦ ᓄᓇᖃᖅᑳᖅᓯᒪᔪᓂ, ᐅᑭᐅᖅᑕᖅᑐᒥ ᐊᕕᒃᑐᖅᓯᒪᔪᓂ, ᓂᒋᐊᓂ ᐊᕕᒃᑐᖅᓯᒪᔪᓂ ᑲᑐᔾᔨᖃᑎᒋᔭᐅᔪᓂ, ᐱᓕᕆᖃᑎᒌᒃᑐᒍ ᐋᖅᑭᒃᓱᐃᖃᑎᒌᓂᕐᒥᑦ ᐅᑭᐅᖅᑕᖅᑐᒥ ᐊᑐᐊᒐᕐᒥ ᐊᑐᖅᑕᐅᔪᒃᓴᒥ ᐅᕙᑦᑎᓐᓂ ᐃᑲᔫᑎᖃᕐᓂᐊᖅᑐᖅ ᑲᒪᑦᑎᐊᓂᕐᒥᑦ ᐱᔭᐅᔭᕆᐊᓕᖕᓂ ᐊᒻᒪ ᓯᕗᓪᓕᐅᔾᔭᐅᔭᕆᐊᓕᖕᓂ ᐅᑭᐅᖅᑕᖅᑐᒥ, ᐊᒻᒪ ᓴᖅᑮᓂᕐᒥᑦ ᐱᕕᖃᕐᓂᐅᔪᓂ ᐃᓄᓕᒫᓄᑦ ᐅᑭᐅᖅᑕᖅᑐᒥ.
“ᑕᐅᑐᑦᑎᓪᓗᑕ ᑲᓇᑕᐅᑉ ᓯᕗᓂᒃᓴᖓᓄᑦ ᒪᑭᒪᑦᑎᐊᕐᓂᖓᓄᑦ, ᖃᐅᔨᒪᕗᒍᑦ ᓄᓇᕗᑦ ᐊᒃᓱᕐᔪᐊᕌᓗᒃ ᐃᑲᔫᑎᖃᐃᓐᓇᕐᓂᐊᖅᑐᖅ. ᖃᐅᔨᒪᔭᐅᔪᑐᖃᐃᑦ ᐃᓄᖁᑎᖕᓄ ᓄᓇᕘᒥ − ᒪᒃᑯᒃᑐᑦ ᐊᒻᒪ ᐅᓄᖅᓯᕙᓪᓕᐊᔪᑦ ᐃᓄᒋᐊᕐᓂᖏᑦ − ᐃᑲᔪᕐᓂᖃᕐᓂᐊᖅᑐᑦ ᓯᕗᓕᖅᑎᐅᓗᑎ ᐃᓚᐅᑎᑦᑎᓂᖅᓴᐅᓂᕐᒥ, ᒪᑭᒪᑦᑎᐊᖅᑐᒥ ᓯᕗᓂᒃᓴᖃᕐᓂᕐᒥᑦ ᐅᕙᑦᑎᓐᓄᓕᒫ.
“ᑭᒡᒐᖅᑐᐃᓪᓗᖓ ᑲᓇᑕᐅᑉ ᒐᕙᒪᖓᓂ, ᓄᓇᕗᒻᒥᐅᑦ ᐊᒻᒪ ᑲᓇᑕᒥᐅᑦ ᖁᕕᐊᓱᑦᑎᐊᖁᔭᒃᑲ ᓄᓇᕗᑦ ᐅᓪᓗᖓᓂ!”