Ublumi, Kanataup Sivuliuqtiqjuangata, Mark Carney, Angayuqaaq Inuit Tapriit Kanatami, Natan Obed, Kavamatuqaqkut Ministait Katimayit ammalu niruaqtausimayut Inuit sivuliuqtit taapkunangaaqtut Inuvialuit Aviktuqsimayut Corporation, Nunavut Tunngavik Timmigat, Makivvik, ammalu Nunatsiavut Kavamakut katimalauqtut Inuillu Kanatami Kavamakkutlu Piliriaqaqatigiikniginut Katimayuralaat Inuvikmi, Nunatsiaq.
Taimangat atiliuqtaulauqmat Inuit Nunangat Sulinirauti taikani 2017, Kanataup Kavamakkunkit ammalu Inuit Sivuliuqtit kayusiyumik takimaqaqtaqtut pingasuiqllutik aqraagumi ammalu aaqksiuqatigiikllutik taapkutigut Inuitlu Kanatami Kavanakkutlu Piliariaqaqqatigiikniginut Katimayiralaat pivaaqliqtitiniaramik atuni sivuliutigiaqqaqtatik taapkunugatainaq sivuliuqtiugialiknut, sangitigiaqlugugit Inuit-Kanataup Kavamakkungit piliriqatigiigutigiyamiknik, ammalu saqitilutik kiinauyaliurutauyunaqluni Inuit Nunangat.
Ublumi katimaniq, sivuliuqtit uqaqatigiilauqtut Aaqiksuiniqmut Kanatamik Piquyaqjuaq ammalu qanuq atuliqtitauyunaqnigit atuutiqattiaqtut ammalu malitiaqtut Inuit maana angirutiginik ammalu piliriqatigiigutiginik Inuitlu.
Taimanauniganut taapsuma Aaqiksuiniqmut Kanatamik Piquyaqjuaq Kavamatuqaqkut ammalu Inuit sivuliuqtit uqaqatigiilauqtut nappariaqaqtunik ikluliuriaqaqtullu kingguumagiyauyut Inuit Nunagani, Kanataup Ukiuqtaqtungit Kanatalu akianut atuagaq, ammalu pitaqariaqaqtut sapummikanirutiksanik uluriaqnaqtumiituqaliqunagu uatsiyit ammalu nunaqutituqangani ukiuqtaqtuq ammalu Inuit nunangat. Ukuattauq uqausiagialit asingit tuaviqnaqtut sivuliutigialit saqitausimayut piviqaqtitiliqsimayut aaqiksuiqatigiigunaqluta piliriarilugit taapkua piyaqnigitut ammalu tunisisimaluta tukiqattiaqtunik makimanasuarutiksanik kiinauyaqatiarutiksanik.
Inuuvikmi, Kanataup sivuliuqtimmariga tusaqtitilauqtuq tikkuaqtauyuq Virginia Mearns Kanataup Ukiuqtaqtumut kiggaqtuqtimmaringa, pigiaqluni Sitipiri 15, 2025. Una kiggaqtuqtimmariga tiliyauyuq aulutilugit atuqtaukanirialit pigialakanirialit Kanataup ukiuqtaqtuani katimaqataqnigit isumaqatimiknik piliriqatimiknik ammalu amisukkaniqniq nunaqatigingitanik katimaqatiqaqniq, ikayuqsukaniriaruti uikiuqtaqtumi nunaqutigiyauniganut, ammalu piusigiamariqlutik piviqaqtitiniq attaqnaqtuumiitailititiniqmut uatsiyit ammalu piruqpaliayarialit piruqpaliatilugit.
Inuit sivuliuqtit ammalu Kamavatuqaqkut sangitigiaqpata atuqtainarigamijjuk sanaqatigiikniaqlutik sivulliutigialiknut taapkutigut Inuitlu Kanatami Kavanakkutlu Piliariaqaqqatigiikniginut Katimayiralaat.
Uqaqtauyut
“Ublumi Inuitlu Kanatami Kavanakkutlu Piliariaqaqqatigiikniginut Katimayiralaat katimayut pijutigilugit aaqiksuqniaqmatta sivuniksatinut ammalu Inuit nunagat taimalu kiinauyaliurutiqaqtitiyunaqtut. Piliriqatigilugit, Inuit ammalu Kavanakkut aakuksuiniaratta angiyunik sanayaksanik ukua katigaliqtitiniaqtut ammalu aaqitiaqlugit makimanasuarutivut, saqqitiluta kiinauyaliutiarutiksanik ammalu piviqaqtitiniqmik, ammalu aaqiksuiluta sanginiqsauniaqmat Kanata.”
Mark Carney, Kanataup Sivuliuqtimmariga
“Maana 9-guvut aqraagut, ukua Inuitlu Kanatami Kavanakkutlu Piliariaqaqqatigiikniginut Katimayiralaat suli pimmariuyumik sanarutit pivaaliqtitiniaqluni tamainik atuqtauyunut sivuliutigialiknut. Una ilaqaqtuq unuqsigiaqlugit qakujutiksat Inuit nunangani tamauna atuliqtautitiluta Aaqiksuiniqmut Kanatamik Piquyaqjuaq taimaak malitiaqluni Inuit angirutiginik ammalu piliriqatigiigutimiknut Inuknut. Tunngasuktitivugut piviqaqtitiyunaqniqmik kayusiniaqmat una pimmariuyuq Mark Carney,sangiktigiaqlugit piliriqatigiigutigiyavut ammalu aaqiksuqlugit akuniuyumik kiinauyaliurutiqaqtitiniaqmatta Inuknut Inuit Nunangani ammalu tamaini Kanatami. Quviasukpunga oblumi tusaqtitiyunarama Virginia Mearns una Kanataup Ukiuqtaqtumut Kigaqtuqtimmariga, iqanaiyaaga saqitauyuq taapkunangat Inuitlu Kanatami Kavanakkutlu Piliariaqaqqatigiikniginut Katimayiralaat.”
Natan Obed, Angayuqaaq Inuit Tapiriit Kanatami
“Aaqiksuiniaqluta sanginiqsamik, qanuingitiaqulugit nunaliit ammalu kiinauyaliutiaqlutik, sanaqatigiigiaqaqtugut. Tamanna pijutigilugu, piliriaksait nuupaliayarialit sivummut Inuit Nunangani taimanauniaqtuq piliriqatigilugit Inuit. Angiqsimavugut katimaqatiqaqluta, naalaqattaqluta, ammalu sanaqatigilugit nunaliit ammalu Inuit sivuliuqtit taimaak sivuliutiquyangit ammalu tauttungit atuqtautiaqniaqmatta sananiaqtatinnut sivuniksatinut. Oblumi katimaniq pimmariuvuq pigiarutigilugu Aaqiksuiniqmut Kanatamik Piquyaqjuaq ikayuqtuq sivuniksaqatiaqniaqmatta Inuit tamaini Inuit Nunagani.”
Rebecca Alty, Ministanga Inuliriyituqaqkut Kanata
“Kanata aakiksuinniaqtuq angiyunut sanayaksanik piliriqatigittiaqlugit Inuit, ammalu tukimuaktitauniaratta nigiutitigut, ilautitaunikkut, ammalu atuqtuinnauluta qakijutiksanik kiinauyaliurutiksanik. Tamauna tukisinasuqatigiiqataqnikut ammalu ikayuqtigiiknikkut, Inuit nipigit aaqiksuijutigilugit sivuniksattinnik napariaqaqtunut ikluqjuanik, nunaqutivut, ammalu makimanasuarutiksat piviqaqtitiniq tamainik Inuit nunagani.”
Rebecca Chartrand, Ministanga Ukiuqtaqtumut Piliraguyut Kanata ammalu Ministanga piyakksaqaqtuq Kanatup Ukiuqtaqtuani Pivaliatitiniq Makimanasuarutiksanut Timiqutaa
“Kanata una ukuiqtaqtua, ammalu aksurunaqtumiilirata maanauyuq, taikani pimariuyuq ukua attaqnaqtumiiliqtaililugit nunaqutivut ammalu sapummiligit ukiuqtaqtuq piyumayangut. Pijitiraqluga Kanataup angayuqanga ukiuqtaqtumut, una kigaqtuqtimmarik Mearns pivaliatitiniaqtuq Kanataup ukiuqtaqtuanik piyauyumayunik tamainit nakituinnaq katimatitiqataqlutik, katimaqatigivaklugit ukiuqtaqtumiuqatingit ammalu ukiuqtaqtuqmiikgitut nunait, ammalu pijitiraqluni kigaqtutiuluni kavamalitiniqmut ikayuqtiginut.”
Anita Anand, Ministanga Kanataup Akianut
Suliyut
- Inuit Nunangat una Inuit nunaga Kanatami. Tamaqmik nuna, imaq, ammalu siku tisamat angirutit atuqtauyut aviktuqsimayunit kigaqtuqtauyuq taapkunangat Inuuvialuit Nunatsiaqmi, Nunavut, Nunavik, Quebec taqqagani ammalu Nunatsiaqvut uaknagani Labradormi.
- Una Aaqiksuinniqmut Kanatamik Piquyaqjuaq titiraqsimayuqaqtuq tukisinasuqatiqaqpaklutik Inuknik ammalu asinginik Nunaqaqqaaqsimayunik aaqiksuiqatigilugit atuliqtitauvaliayut pivalaliayaunigitugut qauyitianiaqmatta qamuq piliriaguyuy Kanatamut piliriyauyumanayaqmagaata ammalu aaqiksuilutik maliktaugiaqqaqtunik piyunautitigut ammalu qangiqsiqatariaqqaqnikkut.
- Una Aaqiksuinniqmut Kanatamik Piquyaqjuaq ikpigusuttiaqtitiyuq angirutiginik piyunautiqaqtut, ilagiyaulutik maana angirutit inuknut angirutitaaqsimayut aulatsitit. Asinguqniaqgitut pilirijusit aaqiktausimayut maana angirutitigut obvaluunniit Kanataup Kavamakkugit maana angirutitigut aturiaqaqtangit. Ikpigusittiaqlutiktauq angirutinikgaaqsimayut avatitinik qautisarusit.
- Una nutaaq Kanataup ukiuqtaqtumut kigaqtuqtimmariga, Virginia Mearns, ikpigiyautiaqtuq Inuknit sivuliuqti akuni angiqsimayaqaqtuq pivaaliqtitivalianiqmik Inuit nakminiq-kavamaqaqlutik ammalu nunalingni qanuigitiariaqaqniq Nunavummi. Una maana angayuqaanguyuq tukimuaktinga Inuknut pinasuaqti taikani Qikiqtani Inuit Katujiqatigiit ammalu angayuqaanguqataqsimayuq Nunavut Kavamakuni ammalu Nunavut Tungavik Timinga. Una pinasuattiaqtuq nunamini, qaqiqquaqtausimayuq King Charles III Coronation Medal-mik pinasuatiasuuguniganut qaqqiquamik angiyumik ikayuqsisimakmat.
- Taimanganit atiliuqtaulausimakmat Inuit Nunangat Suliniraiti 2017-mi, Inuit sivuliuqtinggit ammalu Kanataup Kavamakkugit kayusivut sanaqatigiigutigiyangit katutilugit taapkutigut Inuitlu Kanatami Kavanakkutlu Piliariaqaqqatigiikniginut Katimayiralaat nutaaguqtipalialugit Inuit-Kanataup Kavamakkugit ilagiigusinggit maliklutik ilisaqsiniq piyunautinik, ikpigusitiaqniq, ammalu ikayuqtigiikniq.
- Una Inuit Nunangat Atuagaq atuqtaugiaqqaqtitiyuq Inuit nakmiknik-kavamaqaqniqmut ammalu ikayuqtut nunalingnik ammalu inutuinnaqnik qaniugitiaqulugit Inuit Nunangani, turaaqtut tikiutilugit inuusiliriniqmut-makimanasuaqniqmut ajigiimik nigiutit avataanit inuit ammalu asinggit nunaqaqtut Kanatami. Tunisisimaniaqtut piusiqmik nigiugiyauluni ilagiigusiqmik avataanit Inuit ammalu tamaqmik Kavamatuqaqjut aulatsivigit ammalu timiqutigit, ammalu ilaqaqtut tukimuagutit Kavamatuqaqkunnut ammalu timiqutiginut qanuq tunisisimayuqnaqnigit pilirititijutauyunik, atuagaqnik, ammalu pijitirautinik Inuit Nunagani.